Archives du Poitou 1881 T11 p429
CLXXXI
Confirmation de certaines lettres du sénéchal de Poitou en faveur du seigneur de Clisson et de la dame de Belleville (JJ. 66,n° 1178,fol. 503).

12 novembre 1333.

Philippes, par la grâce de Dieu, roys de France. A touz ceus qui ces presentes lettres verront et orront, salut. Nous avons veu unes lettres de nostre amé et feal Raymon de Rabastan, chevalier; nostre seneschal jadis de Poitou, contenans la fourme de pluseurs autres encorporées en ycelles, des quelles lettres la teneur s'ensuit. Et de la partie du dit seigneur de Cliçon et de la dite dame de Belleville sa fame, nous ait esté requis que les dites convenances, dons et octroiz ci dessus contenuz, confessiez et prouvez, nous vousissions loer, ratiftier et confermer, nous, à la dite supplicacion, les dites convenances, dons et octroiz, par la teneur de ces presentes lettres, loons, ratelions, approuvons et, de nostre auctorité royal, confermons. Sauf en autres choses tout nostre droit et l'autruy. Et que toutes cestes choses soient fermes et estables ou temps avenir, nous avons fait mettre nostre seel en ces lettres. Donné à Paris, le xije jour de novembre, l'an de grace mil ccc. trente et trois.

Par le roy, à vostre relacion. Gervasii.